Mektepterdiń qaýipsizdigin qamtamasyz etýde oń dınamıka baıqalady
«Memleket basshysynyń bilim berý uıymdarynda balalardyń qaýipsizdigin qamtamasyz etý jónindegi tapsyrmasyn oryndaý maqsatynda mınıstrlik keshendi is-sharalardy júzege asyrýda. Bul baǵytta tómendegi normatıvtik-quqyqtyq aktiler qabyldandy: bilim berý salasyndaǵy terrorıstik turǵydan osal nysandardy qorǵaýdy uıymdastyrý jónindegi nusqaýlyq; bilim berý uıymdaryna engizýge tyıym salynǵan zattar men zattardyń tizbesi; mektepke deıingi jáne orta bilim berý uıymdaryn beınebaqylaý júıelerimen jaraqtandyrý standarttary», - dedi ol.
Sonymen qatar, mınıstrdiń atap ótýinshe, 2023 jylǵy aqpan aıynda bilim berý uıymdaryna kirýge ruqsat berý erejesiniń jobasy ázirlendi.
«Mınıstrlik bilim berý uıymdaryndaǵy qaýipsizdik talaptarynyń saqtalýyna toqsan saıyn monıtorıng júrgizip otyr. Monıtorıng nátıjesine sáıkes bilim berý uıymdarynyń qaýipsizdigin qamtamasyz etýde oń dınamıka baıqalady. Máselen, 2020 jylmen salystyrǵanda beınebaqylaý júıelerimen qamtamasyz etý – 2,5 esege, jedel basqarý ortalyqtaryna qosylý – 11 esege, lıtsenzııalanǵan kúzetpen qamtý – 7 esege, dabyl túımesin ornatý 21 esege artqan», - dedi Ǵanı Beısembaev.
