Mektepterdiń qarjylyq shyǵyndaryn aldaǵy ýaqytta arnaıy saıttan kórip otyrýǵa bolady
Bul týraly Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.
«Biz bilim salasynyń qarjylandyrylýynyń ashyqtyǵyn qamtamasyz etýimiz kerek. Birinshiden, bólek bıýdjettik baǵdarlamany iske asyrǵan durys. Bilim salasyna bólingen qarajattyń durys baǵytta jumsalyp jatqanyn baqylap otyratyndaı múmkindik bolýy tıis. Ekinshiden, qaı óńirge jergilikti atqarýshy organnan qarajat jetkiliksiz bólindi – ony aı saıyn qarap, qadaǵalap, saıtqa ilip otyrý kerek. Ony qoǵam bilýi tıis. Úshinshiden, qazir azamattyq bıýdjet degen uǵym bar. Ár mekteptiń, ár oblystyń bıýdjeti, shyǵyndary mindetti túrde saıttarynda ilinýi kerek. Bir kompıýter satylyp alynsa da – ol qandaı, fotosy bar ma, aktisimen birge bári ilinip turady. Sonda ǵana qoǵamda bilim salasyna qatysty teris oılar bolmaıdy», - dedi Ashat Aımaǵambetov Bilim jáne ǵylym mınıstrliginiń apparattyq otyrysynda.
Mınıstr ár mektepke osyndaı júıe engiziletinin málim etti.
«BizdeSEDA degen saıt bar. Sonda ár mektepte neshe baladan bar – barlyq aqparatty engizip jatyrmyz. Sol saıtta qarjylandyrý máselesi de bólek qaralatyn bolady. Qansha qarajaty bar? Bıýdjeti qandaı? Ne satyp aldy? Jalaqy tóleýge qansha qarajat jumsaldy? Basqa da shyǵyndardyń bárin sodan kórip otyramyz», - dedi ol.
