Mektepterdiń 50 paıyzy keń jolaqty ınternetke qosyldy - B.Jumaǵulov

ASTANA. 5 naýryz. QazAqparat - Qazaqstan mektepteriniń 50 paıyzy keń jolaqty ınternetke qosylǵan. Bul týraly búgin «Nur Otan» HDP-nyń saılaýaldy tuǵyrnamasynyń oryndalý máselesine arnalǵan Úkimettiń selektorlyq rejimdegi otyrysynda Bilim jáne ǵylym mınıstri Baqytjan Jumaǵulov málim etti.

«Qazirgi ýaqytta keń jolaqty ınternetke mektepterdiń 50 paıyzy qosylǵan. «E-Learning» jobasyn damytý jumystary jalǵasýda. Búgingi kúnge deıin atalǵan jobaǵa 581 bilim berý uıymy tartyldy», - dedi ol.

B.Jumaǵulovtyń atap ótýinshe, elimizdiń tehnıkalyq jáne kásiptik bilim berý salasynda basqarýdyń jańa júıesi jasaldy. Dýaldi oqytý júıesi engizilýde, oǵan jumys berýshiler keńinen tartylýda.

«Kásiptik standarttar ázirlenýde. Biliktilikti rastaý ortalyqtary quryldy», - dedi B.Jumaǵulov.