Mektepterdegi jańa baǵdarlama oqý úlgerimin 2 ese arttyrady - BǴM
ASTANA. QazAqparat - QR Bilim jáne ǵylym vıtse-mınıstri Ashat Aımaǵambetov jalpy mektepte qandaı baǵdarlamalar engizilip jatqanyn túsindirdi, dep habarlaıdy QazAqparat.
«Árdaıym Nazarbaev Zııatkerlik mektebi baǵdarlamasyna qatysty toqtalǵanda, adamdar ol jerde daryndy balalar oqıtynyn jáne osy baǵdarlamany jalpy mektepterge engizýdiń qajeti qansha ekenin aıtady. Bul turǵyda aıtarym, Nazarbaev Zııatkerlik mektepteri baǵdarlamasy jańartylǵan mazmun aıasynda dál sol qalpynda jalpy bilim beretin mektepterge engizilmeıdi. ıAǵnı bizdiń mektepterge Nazarbaev Zııatkerlik oqý oryndary tájirıbesi men ustanymdary boıynsha beıimdelgen baǵdarlamalar engizilýde», - dep toqtaldy Aımaǵambetov.
Osy oraıda ol jańa baǵdarlamany engizýdiń aldynda olar 30 qanatqaqty mektepte aprobatsııadan ótkenin, sonymen qatar 16 baqylaý mektepteri bolǵanyn eske salyp ótti. Júrgizilgen monıtorıng nátıjesinde, jańartylǵan mazmun aıasyndaǵy baǵdarlamalar oqý úlgerimin eki esege arttyrýǵa yqpal etetindigi anyqtaldy. Qanatqaqty mektepter arasynda aýyldyq ári qalalyq bilim ordalary boldy.
Vıtse-mınıstrdiń sózine qaraǵanda, qazirgi kezde mektepterdiń 70 paıyzǵa jýyǵy jańa túrlengen kabınettermen qamtamasyz etildi. Birneshe jyl boıy osyndaı kabınettermen ári jabdyqtarmen qamtý úshin maqsatty transfertter bólinýde.
Onyń atap ótýinshe, muǵalimderdiń biliktiligin arttyrý qadamdary da ózgerdi. Osy oraıda olar kýrstardy jańartylǵan mazmunmen ótip jatyr.
