Mektepterde «jasyl sabaqtar» ótkiziledi

ASTANA. QazAqparat - «Qazaqstan - 2050» jalpyulttyq qozǵalysy mektepterde qorshaǵan ortany qorǵaý men ekologııaǵa arnalǵan «jasyl sabaqtardy» ótkizýdi josparlap otyr, dep xabarlaıdy QazAqparat tilshisi.

«Ondaı sabaqtarda oqýshylarǵa arnaıy beınebaıandar kórsetiledi. Basty rólderdi plastık, qaǵaz jáne taǵy basqa qatty turmystyq qaldyqtar somdaıdy. Olar ekologııaǵa keletin qaýip-qaterler jaıynda ózderi baıandaıdy. Sebebi biz ol zattardy kúnde ózimiz tastaımyz. Biraq qorshaǵan ortaǵa qanshalyqty zııan ekenin jete túsine bermeımiz» , - deıdi «Qazaqstan - 2050» jalpyulttyq qozǵalysynyń jetekshisi Muxtar Mankeev.

Onyń aıtýynsha, osy ýaqytqa deıin uıymnyń bastamasymen 50-ge joba qolǵa alyndy. Sonyń ishinde «jasyl sabaqtar» bastamasy da bar.

Aıta keteıik, búgin «Qazaqstan - 2050» jalpyulttyq qozǵalysy taǵy bir jobanyń bastalǵanyn jarııalady. Ol - «Zhangyru» korporatıvti oqytý» jobasy .