Mektepterde jańajyldyq shyrsha mindetti túrde ótýi tıis - Sýhanberdıeva
ASTANA. QazAqparat - Qazaqstanda Jańa jyl merekesine oraı mektep shyrshasyn ótkizýge shekteý engizilgen joq. Biraq, syılyqqa aqsha jınaýǵa shekteý qoıylǵan. Bul týraly búgin QR Bilim jáne ǵylym vıtse-mınıstri Elmıra Sýhanberdıeva málim etti, dep habarlaıdy QazAqparat.
«Esh jerde de qandaı da bir buıryqpen shyrsha merekesin ótkizýge shekteý qoıylǵan joq. Meniń biletinim, bizdiń qalalarymyzdyń birqatar mektebinde ata-analar dırektorlarǵa jańajyldyq baǵdarlamanyń qymbattyǵyna shaǵymdanǵan. Sondyqtan mektep dırektorlary mektep shyrshasyn ótkizbeý sharalaryn qabyldaǵan. Bul qońyraýlar bizge túsip, biz mán-jaıdy anyqtadyq. Jańa jyldy merekeleýge arnalǵan mektep shyrshasy mindetti túrde bolýy qajet. Biraq, syılyqqa aqsha jınaýǵa tyıym salynǵan», - dedi vıtse-mınıstr.
Sýhanberdıeva Bilim mınıstrligi kez kelgen qajettilikke aqsha jınaýǵa túbegeıli tyıym salatyndyǵyn atap ótti. 1 qańtardan keıin bul máseleni sheshý úshin mınıstrdiń qatysýymen keńeıtilgen keńes ótkiziletin bolady.
