Mektepterde teraktiler daıyndalyp jatyr: polıtsııa túsinikteme berdi

ASTANA. KAZINFORM — Búgin Abaı oblysynyń polıtsııa departamenti bilim berý mekemelerinde terakt daıyndalyp jatqany týraly habarlamalarǵa baılanysty túsinikteme berdi.

— Messendjerler men chattarda mektepterde terrorlyq aktiler daıyndalyp jatqany týraly jalǵan aqparat taratylyp jatyr. Atalǵan málimetter shyndyqqa janaspaıdy jáne halyq arasynda úreı men alańdaýshylyq týǵyzýǵa baǵyttalǵan. Polıtsııa departamenti azamattardy sabyr saqtaýǵa, arandatýshylyqqa berilmeýge jáne tek resmı aqparat kózderine senýge shaqyrady, — delingen habarlamada.

Teraktiler týraly kórineý jalǵan aqparat taratý — qylmystyq jaýapkershilikke ákep soǵady.

— Qoldanystaǵy zańnamaǵa sáıkes, mundaı áreket úshin 18 mıllıon teńgege deıin aıyppul salý nemese bes jylǵa deıin bas bostandyǵynan aıyrý jazasy kózdelgen. Qurmetti ata-analar, osy aqparatty balalaryńyzǵa túsindirińizder. Abaısyzda jasalǵan áreketter aýyr quqyqtyq saldarǵa ákelýi múmkin, — delingen polıtsııa habarlamasynda.

Aıta ketelik Abaı oblysy ákiminiń orynbasary Dımıtrıı Garıkov qyzmetinen ketken edi.