Mektepterde tehnologııalyq úıirmeler qurý kerek - Eraly Toǵjanov
«Balalardy jan-jaqty damytýda, olardy óner men sportqa baýlýda qosymsha bilimniń, sabaqtan tys jumystardyń, túrli úıirmeler men sektsııalardyń úlesi zor. Búginde 1,5 myń uıym, 63 myń úıirme men sport sektsııalary qosymsha bilim berýmen aınalysady. Nátıjesinde balalardyń 70 paıyzy qosymsha bilim berýmen qamtylǵan. Kelesi jyly bul kórsetkishti 80 paıyzǵa deıin jetkizýimiz kerek. Ashat Qanatuly, Mádenıet jáne sport mınıstrligimen birge balalarǵa qosymsha bilim berýdi damytý boıynsha naqty usynystar ázirleýdi suraımyn. Onda mektepter men kolledjder bazasynda fablabtar, tehnologııalyq úıirmeler jelisin, tehnıkalyq shyǵarmashylyq ortalyqtaryn qurýdy josparlaý qajet», - dedi E.Toǵjanov Oqý-aǵartý mınıstri Ashat Aımaǵambetovke qarata aıtqan sózinde.
Onyń aıtýynsha, oqýshylar men kolledj stýdentterine muǵalimderdiń jetekshiligimen ózderiniń ınjenerlik ıdeıalaryn damytýǵa, túrli buıymdar men bólshekterdi qurastyrýǵa múmkindik jasaý qajet.
«Qosymsha bilim berýdi damytý jumystary joǵaryda aıtyp ótken «Jańa Qazaqstan» jastaryn qalyptastyrý tujyrymdamasynyń bir bóligi bolýy tıis», - dedi Úkimet basshysynyń oynbasary.
Budan buryn habarlanǵandaı, Qazaqstanda Bilim berý uıymdaryndaǵy birtutas tárbıe berý tujyrymdamasy ázirlenedi.