Mektepterde sabaqtyń toqtatylǵandyǵyn qaıdan jedel bilýge bolady
ASTANA. QazAqparat - Qaraǵandynyń qalalyq bilim bólimi Telegram messendjerinde qatty aıaz kúnderi mekteptegi sabaqtardyń toqtatylǵany týraly habarlama taratýǵa arnalǵan arnaıy arna iske qosyldy. Bul týraly ákimniń resmı saıty habarlaıdy.
Endi ata-analar anaǵurlym jedel aqparatty smartfondaryna ala alady. Arnaǵa silteme (t.me/karagandagoo) bilim bóliminiń resmı saıtynda jarııalandy kargoo.gov.kz.
«10-shy qańtarda jarııalanǵan óz joldaýynda Nursultan Nazarbaev bilim salasyn jańa ındýstrıaldaý talaptaryna saı beıimdeý kerektigin atap ótken bolatyn. Biz búgingi kúnnen bastap-aq kúndelikti problemalardy sheshý úshin jańa sandyq tehnologııalardy qoldanýymyz qajet. Búgingi tańda aýa raıynyń qolaısyzdyǵyna baılanysty turǵyndardy jedel túrde mekteptegi sabaqtardyń toqtatylýy týraly habarlama taratý óte mańyzdy mindet bolyp otyr», - dep málimdedi bilim bólimi.
Sabaqtardyń toqtatyǵany týraly aqparatty kúnine eki ret Telegram-arnadan oqyp otyrýǵa bolady, tańerteńgi 7-ge qaraı jáne kúndizgi 12 shamasynda.
