Mektepterde reıd júrgizilip jatyr degen aqparat jalǵan – BQO bilim basqarmasy
ORAL. QazAqparat – Mektepterge reıdtik sharalar júrgizilip jatyr degen aqparat jalǵan. Bul týraly BQO bilim basqarmasy málim etti, dep habarlaıdy QazAqparat tilshisi.
Kesheden beri áleýmettik jelilerde mektepterde, dúkender men avtobýstarda júrgen oqýshylardy anyqtaý maqsatynda reıd sharalary júrgizilip jatqany jóninde aqparat taralýda.
Onda «Balanyń mektepte bolǵany anyqtalsa, sol oqý orny jazaǵa tartylyp, dúken ne avtobýsta júrse, ata-anasyna aıyppul salynady» delingen.
«Bul jalǵan. Óńir turǵyndaryn memlekettik buqaralyq aqparat quraldarynan jáne bilim basqarmasynyń resmı paraqshalarynan basqa jerlerde jarııalanǵan aqparattarǵa senbeýge shaqyramyz. Ótinishter men saýaldardy BQO bilim basqarmasynyń Facebook-tegi jáne Instagram -daǵy paraqshasyna jiberýge bolady. Sondaı-aq +7 (71-12)-31-23-38, 8-747-112-74-07 baılanys telefony arqyly basqarmanyń Call-ortalyǵyna habarlasýǵa bolady», dedi basqarmanyń baspasóz qyzmeti.
Eske sala keteıik, budan buryn koronavırýsqa baılanysty BQO-da jedel shtab jumys istep jatqanyn, óńirde 89 adamnyń baqylaýda ekendigin, indet tirkelmegenin jazǵan bolatynbyz.
