Mektepterde pedagog-psıholog saǵaty engizilmek

ASTANA. KAZINFORM — «Qazaqstan balalary» tujyrymdamasy aıasynda zorlyq-zombylyqqa ushyraǵan balalarǵa 40 kómek kabıneti ashylady. Bul týraly búgin Úkimet otyrysynda Oqý-aǵartý mınıstri Juldyz Súleımenova aıtty.

- Búginde elimizde 20 psıhologııalyq qoldaý ortalyǵy jumys isteıdi. Barlyq mektepte qaýipsizdik sabaqtary men «111» baılanys ortalyqtary engizilgen. Tujyrymdama aıasynda mektepterde pedagog-psıholog saǵatyn engizý, zorlyq-zombylyqqa ushyraǵan balalarǵa 40 kómek kabınetin ashý josparlandy, - dedi mınıstr.

Onyń aıtýynsha, buzýshylyq faktileriniń aldyn alý jáne psıhologııalyq kómek kórsetý boıynsha barlyq shara árbir balanyń qaýipsiz ortada ómir súrýiniń negizi sanalady.

- Jalpy alǵanda, sońǵy jyldary balalardyń qaýipsizdigin jaqsartý úshin birqatar júıeli shara qabyldandy. Bilim berý mekemeleri tehnıkalyq qaýipsizdik jabdyqtarymen tolyq jabdyqtalǵan. Jazǵy lagerlerdiń qyzmetin lıtsenzııalaý 2026 jyldyń 1 sáýirinen, al mektepke deıingi mekemelerdi 2027 jylǵa josparlanǵan. Balalardy zııandy aqparattan qorǵaý sharalarynyń biri – zańsyz mazmundaǵy aqparatty joımaǵany úshin onlaın platformalarǵa jaza kúsheıtildi, - dedi Juldyz Súleımenova.

Aıta keteıik, «Qazaqstan balalary» tujyrymdamasy 1,3 trln teńge kóleminde qarjylandyrylady.