Mektepterde otbasynyń tabysy men ata-anasynyń nesıesi týraly derekter jınalmaıdy – mınıstr

ALMATY. QazAqparat - Mektepterde otbasynyń tabysy men ata - anasynyń nesıesi týraly derekter suratylmaıdy. Bul týraly Oqý-aǵartý mınıstri Ashat Aımaǵambetov Almatyda halyqqa esep berý kezdesýinde aıtty, dep habarlaıdy QazAqparat tilshisi.

Mınıstrmen kezdesýge kelgen ata-analardyń biri, mektepterde oqýshylardyń otbasy týraly derekter jınalyp jatqanyn aıtty.

«Qazir mektepterde ata-analarǵa kóptegen saýalanamalar toltyrtyp jatyr. Mysaly, jumys orny, tabysy, nesıesi, úıi bar ma? degen sııaqty qısynsyz suraqtarǵa jaýap berýmiz qanshalyqty zańdy»,- dep surady almatylyq.

Ashat Aımaǵambetov bul zańsyz ekenin atap ótti.

«Siz, naqty qaı mektep ekenin aıtyńyzshy. Biz mindetti túrde shara qoldanamyz. Bilim mekemeleriniń ondaı saýal joldaýyna quqyǵy joq. ıAǵnı, ata-ananyń tabysy men nesıesi týraly aqparat jınaqtalmaıdy, suratylmaıdy»,- dedi Ashat Aımaǵambetov.