Mektepterde mamandandyrylǵan kúzet mindetti túrde bolady - ІІM
«Búginde bilim berý uıymdarynyń basym bóligi terrorıstik turǵyda álsiz nysandar sanatyna jatqyzylǵan. Mamyr aıynyń basynda Úkimet qaýlysymen mundaı nysandardy antıterrorıstik qorǵaýdyń jańa talaptary bekitildi. Eger buǵan deıin mundaı talaptar usynys sıpatynda bolsa, endi bilim berý nysandary baqylaý júıesimen, qyzmetkerler men kelýshilerdi habarlandyrý quraldarymen, «dabyl» túımeshegimen, mamandandyrylǵan kúzetpen, ótkizý júıelerimen mindetti túrde jabdyqtalýy tıis», - dedi komıtet tóraǵasy Іshki ister mınıstrliginde ótken baspasóz máslıhaty barysynda.
Onyń atap ótýinshe, elimizdiń Bilim jáne ǵylym mınıstrligi tıisti nusqaýlyq ázirlep jatyr.
«Sonymen qatar ol terrorıstik qaýip týyndaǵan jaǵdaıda pedagogtar men oqýshylardyń is-áreketiniń jan-jaqty tártibin qamtıdy», - dedi Murat Baımuqashev.
Eske sala keteıik, 11 mamyrda Tatarstannyń Qazan qalasyndaǵy mektepte belgisiz eki adam oq jaýdyrǵan bolatyn.
Atys kezinde 8 adam qaza taýyp, taǵy 21-i zardap shekti.
Osy oqıǵaǵa baılanysty Memleket basshysy Qasym-Jomart Toqaev Reseı Federatsııasynyń Prezıdenti Vladımır Pýtınge kóńil aıtty.
Tatarstan Prezıdenti Rýstam Mınnıhanov 12 mamyrdy respýblıkada aza tutý kúni dep jarııalady.