Mektepterde «Koka-kola» satýǵa tyıym salmaq
ASTANA. QazAqparat - RF Qoǵamdyq palatasy mektepterde «Koka-kola» satýǵa tyıym salýdy surady. Tyıym barlyq qanty bar gazdalǵan sýsyndarǵa qatysty, dep jazady izvestia.ru.
Qoǵamdyq palatanyń birinshi orynbasary Vladıslav Grıb RF premer-mınıstri Dmıtrıı Medvedevke mektepterde, balalar aýrýhanalarynda, basqa da kámeletke tolmaǵan balalarǵa arnalǵan mekemelerde tátti gazdalǵan sýsyndy satýǵa tyıym engizý boıynsha ótinishpen júgindi. Onyń pikirinshe, «Koka-kola» men osy tárizdi sýsyndar ult densaýlyǵyna keri áser etýde.
«Qoǵamdyq palata músheleri jasandy boıaý, qospalar, hosh ıistendirgishter qosylǵan qatty gazdalǵan alkogolsiz qanty bar sýsyndy kúndelikti baqylaýsyz tutynatyndar úshin alańdaýly», - delingen hatta.
Qoǵam ókilderi osy máseledegi álemdik tájirıbege súıenedi, keı elderde, birqatar amerıkalyq shtattarda balalar mekemelerinde gazdalǵan sýsyndardy satýǵa zańmen tyıym salynǵan. Problemanyń joǵary áleýmettik mańyzdylyǵyn eskerip, olar Premer-Mınıstrge RF Densaýlyq saqtaý mınıstrligine qatty gazdalǵan alkogolsiz qanty bar sýsyndardy óndirýdi, taratýdy, paıdalanýdy retteıtin normatıvtik quqyqtyq akti jobasyn ázirleýdi tapsyrýdy suraıdy.
Reseı Densaýlyq saqtaý mınıstrliginde eger Premer-mınıstr vedomstvoǵa tıisti ókim berse, Densaýlyq saqtaý mınıstrliginiń mamandary máseleni qolǵa alatynyn a ıtty.
