Mektepterde kásiptik baǵdarlaý kabınetteri ashylady
ASTANA. QazAqparat - QR Densaýlyq saqtaý jáne áleýmettik damý mınıstri Tamara Dúısenovanyń aıtýynsha,aǵymdaǵy jyly elimizdiń barlyq mektepterinde kásiptik baǵdarlaý kabınetteri ashylady, dep habarlaıdy QazAqparat tilshisi.
Onyń sózine qaraǵanda, bıyl jastardy kásiptik baǵdarlaý jumysy memlekettik qoldaýdyń mańyzdy baǵyty bolmaq. «Bilim jáne ǵylym mınıstrliginiń basshylyǵymen 8 myńǵa jýyq mektepte kásiptik baǵdarlaý kabınetteri ashylatyn bolady. Munda joǵary synyp oqýshylaryna kásiptik daǵdylaý baǵyttary, jańa ári eńbek naryǵynda suranysqa ıe mamandyqtar týraly aqparattar berilip, qajetti testileý baǵdarlamalary júrgiziledi. Bul óte qajetti, mańyzdy jáne jumyssyzdyqtyń aldyn alýdaǵy negizgi shara bolyp tabylady. Sondyqtan oblystar, Astana men Almaty qalalarynyń ákimderinen kásiptik baǵdarlaý jumysyna kóńil bólýdi jáne osy baǵytta naqty sharalardy qabyldaýdy suraımyn», - dedi T.Dúısenova Úkimettiń búgingi otyrysynda.
Aıta keteıik, Dúısenova hanym jańa baǵdarlamany paıdalanyp, aýylda jumyssyz júrgen jastardy kásipkerlikke baýlýdy da kózdep otyr.
