Mektepterde ekologııa saǵaty engiziledi - Bilim mınıstri
NUR-SULTAN. QazAqparat - Bıyl jańa oqý jylynan bastap mektep oqýshylaryna ekologııa saǵaty ótetin bolady. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.
«El Prezıdenti Qasym-Jomart Toqaev balalarǵa ekologııalyq bilim berý jáne tárbıeleý boıynsha tapsyrma júktedi. Qazirgi ýaqytta sarapshylarmen birlesip, ekologııalyq bilim berý jáne tárbıe boıynsha tolyqqandy tujyrymdama daıyndaımyz. Salalyq mınıstrlikpen birlesip, sarapshylarmen birneshe kezdesý ótkizip, talqyladyq. Osy jyldan bastap biryńǵaı baǵdarlama boıynsha ekologııaǵa qatysty synyp saǵattary bastalady jáne mektep baǵdarlamasyna ekologııalyq bilim berý máselesi yqpaldastyrylatyn bolady», - dedi mınıstr pedagogtar men bilim jáne ǵylym salasy qyzmetkerleriniń respýblıkalyq tamyz keńesi barysynda.
Onyń atap ótýinshe, aldaǵy ýaqytta ekologııa saǵattary mektepke deıingi bilim berý uıymdarynda da oqytylmaq.
