Mektepterde BJB men TJB tolyq alynyp tastala ma — mınıstrlik jaýaby
ASTANA. KAZINFORM — Oqý-aǵartý mınıstri Juldyz Súleımenova Úkimettegi brıfıngte oqýshylar úshin bólim boıynsha jıyntyq baǵalaý (BJB) men toqsandyq jıyntyq baǵalaýdy (TJB) alyp tastaý múmkindigine qatysty pikir bildirdi.
Mınıstrdiń aıtýynsha, qazir Oqý-aǵartý mınıstrligi BJB men TJB máseleleri boıynsha úlken analıtıkalyq jumys júrgizip jatyr.
— BJB men TJB Qazaqstan Respýblıkasynyń bilim berý standartynda qarastyrylǵan krıterıaldy baǵalaý júıesi. Sondyqtan biz standartqa dıktant, shyǵarma, mazmundama sekildi jeke baqylaý jumystaryn engizip jatyrmyz. Sol sebepti BJB men TJB-dan birtindep bas tartamyz dep oılaımyz. Mundaı ózgeristerdi engizý úshin naqty negizdeme men jan-jaqty saraptama qajet, — dedi mınıstr.
Sonymen qatar spıker bıyl Oqý-aǵartý mınıstrliginiń Orta bilim komıteti 2025–2026 oqý jylyndaǵy 1–11 synyptar boıynsha tek BJB men TJB-ǵa qatysty taldaý júrgizip, tapsyrmalar men jaýaptardy qarastyrǵanyn atap ótti.
— Alaıda keıbir júıeler BJB men TJB jaýaptaryn júktemeıdi. Sondyqtan tamyz konferentsııasyna deıin qaı synyptarda bul júıe saqtalatynyn, al qaı synyptarda basqa baǵalaý túrimen almastyrylatynyn naqty aıtamyz, — dep tolyqtyrdy vedomstvo basshysy.
Buǵan deıin pedagog qyzmetin baǵalaý júıesi jańaratynyn jazǵanbyz.
