Mektepterde balalarǵa tegin tamaq berý toqtatylmaıdy - A. Sárinjipov
ASTANA. QazAqparat - Bastaýysh synyptardyń oqýshylary túski assyz qalmaıdy. Bul týraly búgin QR Bilim jáne ǵylym mınıstri Aslan Sárinjipov aıtty.
«Búgingi kúnde elimizdegi bastaýysh synyp oqýshylarynyń 30 paıyz jergilikti bıýdjet esebinen tegin túski aspen qamtylǵan. Bul shara barlyq áleýmettik toptarǵa, keıbir óńirlerde bastaýysh synyp oqýshylaryna baǵyttalǵan. Bul salada aıtarlyqtaı ózgerister bolmaıdy. Jergilikti bıýdjetterdiń qaýqaryna sáıkes tegin tamaqtandyrý jalǵasa beredi», - dep atap ótti Aslan Sárinjipov jýrnalısterge bergen suhbatynda.
Sondaı-aq, onyń aıtýynsha, buryn tegin túski aspen qamtamasyz etilip kelgen balalar budan bylaı da tegin tamaqtana beredi.
«Búginde biz eshqandaı qysqartýlardy josparlap otyrǵan joqpyz. Buǵan deıin tegin tamaqtanyp kelgen belgili bir áleýmettik toptan shyqqan balalar odan ári de tegin túski aspen qamtyla beredi» - dep túıindedi mınıstr.
Aıta keteıik, buǵan deıin BAQ-ta oqýshylardy tegin tamaqtandyrý doǵarylady degen aqparat taraǵan bolatyn.
