Mektepterde balalardy oqytý 6 tilde júrgiziledi

ASTANA. QazAqparat - 2013/2014 oqý jylynda Qazaqstandaǵy jalpy bilim beretin mektepterde oqýshylardy oqytý 6 tilde, ıaǵnı qazaq, orys, ózbek, uıǵyr, tájik jáne aǵylshyn tilderinde júrgiziledi.

«Jumys istep turǵan 7561 kúndizgi jalpy bilim beretin mektepteri ishinde 3817 mektep qazaq, 1395-i - orys, 60 mektep - ózbek, 14-i - uıǵyr, sondaı-aq 3 mektep - tájik, 8 mektep - aǵylshyn tilderinde oqytady. Sonymen qosa 2156 mektepte oqytý eki nemese odan kóp tilderde júrgiziledi», - delingen QR Statıstıka agenttiginiń málimetinde. Ótken oqý jylymen salystyrǵanda oqytý tek qana uıǵyr tilinde júretin mektepter sany 1 mektepke ósti.