Mektepterde 1 myńnan astam stomatologııa kabıneti ashylady

ASTANA. KAZINFORM – Densaýlyq saqtaý mınıstri Aqmaral Álnazarova mektep medıtsınasyn damytý sharalary týraly baıandady.

- Ótken jyly oqýshylardyń 90%-y profılaktıkalyq tekserýden ótti jáne balalardy dınamıkalyq baqylaýmen qamtý 3% ósti. Balalardan kóbine as qorytý, kórý, tynys alý aǵzalarynyń aýrýlary, sondaı-aq stomatologııalyq problemalar anyqtalyp jatyr, - dedi Aqmaral Álnazarova Úkimet otyrysynda.

Mektep medıtsınasyn jańǵyrtý sheńberinde kelesi is-sharalar iske asyrylyp jatyr:

- meıirger júktemesin azaıtý (mektep meıirgeriniń 700 balaǵa 1 stavkasy 500 balaǵa 1 stavka dep azaıtyldy);

- 1000-nan astam oqýshysy bar mektepterde stomatologııalyq aýrýlardyń aldyn alý kabınetterin ashý;

- medıtsınalyq-sanıtarııalyq alǵashqy kómek janyndaǵy mektep medıtsınasy bólimshelerin uıymdastyrý;

- kásiptik tekserýler júrgizý tártibin qaıta qaraý jáne mamandardyń biliktiligin arttyrý.

Tsıfrlandyrý boıynsha avtomattandyrýǵa arnalǵan mynadaı IT-sheshimder engizilip jatyr:

- vaktsınatsııalaýdy jáne tekserýdi josparlaý;

- balalardyń ótinishin onlaın tirkeý;

- eGov jáne SMS arqyly ata-analarmen 1414-pen baılanys;

- «Kúndelik», «Bilim.Class», «Bilimal» «EDUS.Mektep» júıelerimen ıntegratsııalaý.

Vedomstvoaralyq ózara is qımyl sheńberinde kelesi jobalar iske asyrylyp jatyr:

- mentaldy jáne reprodýktıvti densaýlyqty qosa alǵanda, «Densaýlyq sabaqtary»;

- jaraqattardyń aldyn alý jónindegi jol kartalary;

- «Densaýlyqqa yqpal etetin mektepter» jobasy;

- 2030 jylǵa deıin mektep medıtsınasyn ǵylymı zertteý.

Aıta keteıik, bıyl elimizde 217 myń túlek mektep bitiredi.