Mektepter, joǵary oqý oryndary men kolledjder qashyqtan oqytýdy jalǵastyrady - Prezıdent
NUR-SULTAN. QazAqparat – Adam kóp jınalatyn basqa da oryndar ázirge jabyq bolady. Bul týraly QR Prezıdenti Qasym-Jomart Toqaevtyń málimdemesinde atalyp ótti, dep habarlaıdy QazAqparat.
«Karantın rejımin birtindep jeńildetý degenimiz ózimiz úırengen kúndelikti tirshilikke qaıta oralý emes ekenin uǵynǵanymyz jón. Oıyn-saýyq jáne saýda ortalyqtary, kınoteatrlar, restorandar, saıabaqtar men adam kóp jınalatyn basqa da oryndar ázirge jabyq bolady. Joǵary oqý oryndary, kolledjder, mektepter qashyqtan oqytýdy jalǵastyra beredi. El turǵyndaryn bul sharalarǵa túsinistikpen qaraýǵa shaqyramyn», - dedi Memleket basshysy.
Budan buryn habarlanǵandaı, Prezıdent kelesi aıda da azamattarǵa 42 500 teńge kóleminde kómek beriletinin atap ótti.
