Mektepter jeke kúzet qyzmetin paıdalanýǵa mindettelmeıdi

NUR-SULTAN. QazAqparat - Ákimshilik polıtsııa komııtetiniń tóraǵasy Maqsat Baıbolov mektepter jeke kúzet qyzmetin jaldaýǵa mindettelmeıtinin aıtty, dep habarlaıdy QazAqparat.

«Sońǵy ýaqytta mektep oqýshylarynyń óreskel buzaqylyq áreketteri jıilep ketti. Aldaǵy ýaqytta mektepke alyp kirýge bolatyn zattardyń tizimi jasalyp, kúzet ókilderi sony qadaǵalaıtyn bolady. Bul bastama Bilim jáne ǵylym mınıstrligimen birlesip qolǵa alynǵan. Biraq bul barlyq mektepter kúzet kompanııasynyń qyzmetine júginýge mindetteledi degen sóz emes. Tańdaý mekteptiń ózine qalady», - dedi Maqsat Baıbolov.