Mektepter tolyqtaı joǵary jyldamdyqty ınternetpen qashan qamtamasyz etiledi
ASTANA. KAZINFORM – Qazaqstanda 8 042 mekteptiń 7 917-si ınternetke qosylǵan. Bul týraly Tsıfrlandyrý jáne aeroǵarysh ónerkásibi mınıstri Jaslan Mádıev málimdedi.
- Qazaqstanda 8 042 mektep bar, olardyń 7 917-si qazirdiń ózinde ınternetke qosylǵan. Onyń ishinde talshyqty-optıkalyq baılanys (TOB) arqyly – 4 663 mektep, basqa tehnologııalar
boıynsha 3 254 mektep (radıoreleılik baılanys – 1 093 mektep; Starlink – 1 657 mektep; ADSL – 263 mektep; LTE-modemder – 144 mektep; spýtnıktik tehnologııalar – 97 mektep) qamtylǵan, - dedi J. Mádıev Úkimet otyrysynda.
Onyń aıtýynsha, atalǵan 3 254 mekteptiń ishinen 450 mektepti talshyqty-optıkalyq baılanysqa qosýdy jaqyn arada iske asyrýǵa bolady. Óıtkeni bul eldi mekenderge ınternet jeli tartylǵan.
Sondaı-aq, mınıstrlik pen «Qazaqtelekom» arasyndaǵy ınvestıtsııalar týraly kelisim aıasynda 2 010 mektepke talshyqty-optıkalyq baılanys jetkiziledi. Bul turǵyda 2025 jyly – 819 mektep, al 2026 jyly 1 191 mektep qamtylady. Jobany iske asyrýdyń qorytyndysynda barlyq mektepterde joǵary jyldamdyqty ınternet qamtamasyz etiledi.
Budan buryn habarlanǵandaı, qazir elimizde 267 myń orynǵa arnalǵan 232 mektep salynyp jatyr.