Mektepter men kolledjderde «111» baılanys ortalyǵynyń QR-kodtary iske qosyldy

ASTANA. KAZINFORM - 2025 jyldyń qańtar aıynan bastap mektepter men kolledjderde QR Bala quqyqtary jónindegi ýákilmen birlesip «111» baılanys ortalyǵyna qoljetimdilikti arttyrý úshin arnaıy QR-kodtar engizildi.

Смартфон, телефон, технологии, связь, соцсети
Фото: freepik.com

QR Oqý-aǵartý mınıstrligi baspasóz qyzmetiniń habarlaýynsha, bul ortalyq otbasy, áıelder men balalardyń quqyqtaryn qorǵaýda quqyqtyq, uıymdastyrýshylyq jáne psıhologııalyq kómek kórsetedi.

Endi «111» nómirine qońyraý shalý múmkindiginen basqa, balalar men olardyń ata-analary QR-kodtar arqyly suraý jibere alady. Olar barlyq bilim berý uıymdarynda, balalar úshin qoljetimdi oryndarda, sondaı-aq avtobýs aıaldamalarynda ornalasqan. Atalǵan jańalyq kómek alýdyń qolaılylyǵy men qoljetimdiligin arttyrýǵa baǵyttalǵan.

«Buryn balalar baılanys ortalyǵyna tek telefon arqyly ǵana habarlasa alatyn, al endi olardyń QR-kodtar arqyly suraý jiberý múmkindigi bar. Bul qoldaýǵa júginý protsesin aıtarlyqtaı jeńildetedi, ony neǵurlym yńǵaıly jáne qoljetimdi etedi. QR-kodtar qajetti aqparat pen kómekti jyldam jáne anonımdi alýǵa múmkindik beredi, bul balalardyń saýaldary men máselelerine jedel den qoıýǵa múmkindik beredi», - dep atap ótti QR Oqý-aǵartý mınıstrligi Balalardyń quqyqtaryn qorǵaý komıtetiniń tóraıymy Nasymjan Ospanova.

Ótken jyldyń qorytyndysy boıynsha «111» baılanys ortalyǵyna balalardan 1000-ǵa jýyq ótinish kelip tústi. Olarǵa anyqtamalyq aqparat berilip, psıhologııalyq qoldaý kórsetilip, memlekettik organdarmen yntymaqtastyqta ýaqytyly kómek uıymdastyryldy.

Esterińizge sala keteıik, 2024 jyldyń shildesinde Memleket basshysy qabyldaǵan áıelderdiń quqyqtary men balalardyń qaýipsizdigin qamtamasyz etý máseleleri jónindegi zań aıasynda «111» baılanys ortalyǵynyń qyzmeti bekitilgen bolatyn.

Osyǵan deıin balalarǵa qatysty kıberbýllıng faktilerin qaraý erejesi bekitilgeni týraly jazdyq.

 

Сейчас читают