Mektepten shyǵyp, úıine oralmaǵan: Almatyda oqýshy izdestirilip jatyr
Almatyda oqýshy qyz joǵalyp ketti. Ony eriktiler, polıtsııa men aýdan turǵyndary kesheli beri izdep jatyr, dep habarlaıdy Kazinform.
Áleýmettik jelilerde paıda bolǵan málimetke qaraǵanda, 2012 jyly týǵan Hanshaıym Aralbaı 9 qarashada № 148 mektepten shyǵyp, úıine oralmaǵan.
Joǵalyp ketken oqýshy qyzdyń fotosy WhatsApp jelisi arqyly tarap jatyr.
«Mektebimizde 5 «Á» synyp oqýshysy joǵalyp ketti, sabaqtan keıin úıine oralmaǵan. Kórgen bilgenderińiz bolsa habaryn berseńizder»,- delingen aqparatta.
Syrtqy belgileri: 12 jasta, boıy ortasha, shashy – qara.
Kıimi: ashyq tústi kúrte, kók tústi mektep formasy. Ózimen birge aq tústi qolshatyr alǵan.
«Eger oqýshy qyzdyń ornalasqan jerin bilgen adam bolsa, 102 nómirine habarlaýdy suraımyz», – delingen habarlamada.
