Mekteptegi tamaqtaný júıesin ózgertý kerek - A.Sárinjipov
ASTANA. 10 qazan. QazAqparat - Búginde mekteptegi tamaqtaný júıesin qaıta qarap, sapaǵa negizgi basymdyq berý kerek.
Búgin jýrnalısterge suhbat bergen QR Bilim jáne ǵylym mınıstri Aslan Sárinjipov osylaı aıtty. «Iá, mektepterdegi tamaqtanýǵa qatysty problema bar. Biz oǵan saraptama jasadyq. Negizi, bul máselege jergilikti bılik organdary, ıaǵnı ákimdikter jaýap beredi. Degenmen, biz osy salany baqylap, tıisti saıasatty júrgizýimiz kerek. Qazir oblystardaǵy oqýshylardyń tamaqtaný baǵasynyń aıyrmashylyǵy jer men kókteı. Bir aımaqta 70-90 teńge bolsa, ekinshisinde 250-300 teńge bolýy múmkin. Onyń barlyǵy memlekettik satyp alýlar júıesine tikeleı baılanysty. Zańnamaǵa sáıkes, bilim berý mekemeleri baǵasy arzan kompanııalardyń qyzmetine júginip otyrady. Bálkim, bul júıeni qaıta qarap, tamaqtyń sapasyna negizgi basymdyq berý kerek shyǵar. Ony jergilikti bılik qolǵa alýy tıis. Árıne, biz de jaýapkershilikten qashpaı, barlyq jumysty baqylaıtyn bolamyz», - dep atap kórsetti A.Sárinjipov.
