Mekteptegi partalar qaýipsizdik standartyna sáıkes kelmeıdi - depýtat S. Romanovskaıa
ASTANA. 5 qarasha. QazAqparat - Mektep jasyndaǵy balalardyń densaýlyǵyna nazar aýdarý kerek.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Parlamenti Májilisiniń depýtaty Svetlana Romanovskaıa málim etti.
«Men ótken jyly depýtattyq saýal joldaǵan bolatynmyn. Sonyń nátıjesinde mekteptegi partalardyń 70 paıyzdan astamy qaýipsizdik standartyna sáıkes kelmeıtini belgili boldy. Bul degenimiz óz kezeginde skolıoz dertine alyp keledi»,-dedi depýtat.
Osy oraıda ol balalardyń densaýlyǵyna mektep jasynan qaramaǵandyqtan, ásker qataryna bes adamnyń ekeýi ǵana iriktelinetinin atap ótti.
«Al qalǵandary densaýlyq jaǵdaıyna baılanysty áskerge barýǵa qaýqarsyz»,-dedi S. Romanovskaıa.
