Mekteptegi ınternet jyldamdyǵy tómen óńirler ataldy

NUR-SULTAN. QazAqparat – Mektepteri tıisti deńgeıde ınternetpen qamtamasyz etilmegen óńirler belgili boldy, dep habarlaıdy QazAqparat tilshisi.

«Mektepterde 15 tsıfrlyq bilim berý platformasy qoldanylady. Onyń qatarynda Kúndelik, onlaın mektep, daryn onlaın taǵy basqa resýrstar bar. Jańa oqý jyly qarsańynda elimiz boıynsha 6936 mekteptiń 99 paıyzy ınternetpen qamtylǵan. Mektepterdiń 83 paıyzynda ınternettiń jyldamdyǵy sekýndyna 8 megabıtten bastap 200 megabıtke deıin quraıdy», - dedi QR Oqý-aǵartý vıtse-mınıstri Aıbat Іlııasov mınıstrliktiń apparattyq jınalysynda jasaǵan baıandamasynda.

Onyń aıtýynsha, Túrkistan oblysynda 7 jáne Qaraǵandy oblysynda 1 mektep ınternetke áli qosylmaǵan.

«Túrkistan, Qaraǵandy, Almaty jáne Jetisý oblysy boıynsha mektepterdegi ınternettiń jyldamdyǵy sekýndyna 512 kılobıtten tómen. Atalǵan oblystardyń ákimderi baılanys operatorlarymen 8 mektepti ınternetpen qamtamasyz etýi jáne 1150 mektepte ınternet jyldamdyǵyn arttyrýy qajet», - deıdi ol.

Odan bólek, mınıstr orynbasary mektepterdi kompıýterlik tehnıkamen qamtý máselesin qozǵady.

Vıtse-mınıstr keltirgen statıstıkaǵa sáıkes elimiz boıynsha mektepterde 503 855 myń kompıýter, 388 397 noýtbýk jáne 69 211 planshet bar.