Mekteptegi eski pıanınodan quny 640 myń dollarlyq qazyna tabyldy
ASTANA. QazAqparat - Martın Bekhaýz jergilikti mektepke syıǵa tartylǵan 1847 jylǵy pıanıno klavıshiniń astynan 913 altyn moneta tapty.
Osynyń arqasynda mýzykalyq aspapty kúıine keltirýshi bir kúnniń ishinde 320 myń dollarǵa baıyp shyǵa keldi.
Onyń burynǵy ıeleri - 72 jastaǵy Greham Hemmıngs pen onyń jubaıy Meg 33 jyl úıinde turǵan eski qurylǵyda qazyna saqtalǵandyǵyn bilmegen. Pıanınony tek Shropshırdegi jergilikti mektepke syılaǵannan keıin bir-aq habardar bolǵan. Bul jup pıanınonyń qazirgi ıesi bolyp sanalmaıtyndyqtan, olarǵa bir moneta da berilgen joq.
Barlyq aqshany Martın Bekhaýz ben ony pıanınony jóndeý úshin jaldaǵan mektep ákimshiligi ózara bólisip alady. Qazynada 1847-1915 jyldar aralyǵynda shyǵarylǵan monetalar da bar, ol Anglııada tabylǵandardyń ishindegi eń baǵalysy bolyp tabylady. Monetany mamandar zertteýde, aldyn ala baǵalaýǵa sáıkes, árbiriniń baǵasy 700 fýntty qurasa, al qazynanyń jalpy quny 640 myń dollarǵa jetedi.
