Mekteptegi epıdemıologııalyq jaǵdaı turaqtylyǵyn aıtý áli erte - mınıstr
«Mektepterdegi epıdemıologııalyq jaǵdaıdyń turaqtylyǵy týraly aıtý áli erte. Óıtkeni, 1 qyrkúıekten beri áli 14 kúndik ınkýbatsııalyq kezeń ótken joq. Bul onlaın oqytý men kezekshi toptardaǵy jáne 180 adamǵa jetpeıtin shaǵyn mektepterdegi jaǵdaıdy baǵalaýǵa múmkindik beredi», - dedi mınıstr Ortalyq kommýnıkatsııalar qyzmetinde.
Sonymen birge, spıker balalar arasynda JRVI men tumaýdyń jyl saıyn artyp kele jatqanyn eske saldy.
«14 jasqa deıingi balalar arasynda JRVI men tumaý 70% deıin tirkeldi. JRVI jáne tumaýmen aýyrǵan balalardyń ımmýnıteti álsirep, koronavırýs ınfektsııasyn juqtyrý qaýpi artady. Máselen otbasyndaǵy bir adam tumaýmen aýyrsa, barlyǵy aýyryp qalýy múmkin. Koronavırýs juqsa, jaǵdaı tipten qıyndaıdy. Birinshi karantınde mektepke deıingi uıymdarda kezekshi toptar ashýymyz sátsiz tájirıbe boldy, onda koronavırýs ınfektsııasy tirkelip, jabylyp jatty. ıAǵnı, biz úshin elimizdegi qazirgi aýrýdyń tómendeý qarqynyn ustap turý mańyzdy. Balalar arasynda aýrýdy taratyp almaý kerek», - dedi A. Tsoı.