Mekteptegi býllıngpen kúreste Fınlıandııanyń KiVa baǵdarlamasy qoldanylmaq
«Memleket basshysy Joldaýda balalarǵa qarsy jasalatyn qylmystarǵa, býllıngke jol bermeý týraly basa aıtty. Soǵan baılanysty Oqý-aǵartý mınıstrligi býllıngke jol bermeý baǵytynda halyqaralyq tájirıbelerdi zerdeledi. Ásirese, býllıngti tómendetý baǵytynda fınn tájirıbesin qarastyryp otyrmyz. Bul elde KiVa degen baǵdarlama qabyldanǵan. Atalǵan baǵdarlama 10 jyldyń ishinde fınn memleketinde býllıngtiń birneshe ese azaıýyna septigin tıgizgen. Sol baǵdarlamany da ózimizdiń bilim salasynda qoldanýdy josparlap otyrmyz», - dedi Ǵanı Beısembaev.
Aıta keteıik, búgin Memleket basshysy Qasym-Jomart Toqaevtyń «Ádiletti Qazaqstannyń ekonomıkalyq baǵdary» atty Qazaqstan halqyna Joldaýyn jarııa etti. Onda Prezıdent zorlyq-zombylyqqa jáne qysymǵa, ıaǵnı býllıngke tap bolǵandarǵa kómek kórsetýge arnalǵan baǵdarlama ázirleý kerektigin aıtqan edi.
