Mekteptegi polıtsııanyń mindeti túsindirý sabaqtarymen shektelmeýi tıis – Úkimet
ASTANA. KAZINFORM – Balalar arasynda quqyq buzýshylyqtardyń aldyn alýǵa baǵyttalǵan profılaktıkalyq is-sharalardyń aıasyn keńeıtý kerek. Bul týraly Úkimet otyrysynda Premer-mınıstr Oljas Bektenov málim etti.
- Balalardyń qaýipsizdigi erekshe baqylaýda bolýǵa tıis. Óńir ákimdikterine Іshki ister, Tótenshe jaǵdaılar jáne Oqý-aǵartý mınıstrlikterimen birlesip, mektepter mańyndaǵy jol qaýipsizdigin, sondaı-aq olardyń órtke jáne terrorızmge qarsy qorǵalýyn qamtamasyz etýde jiberilgen kemshilikterdi tez arada joıýdy tapsyramyn. Іshki ister mınıstrligi «Nazar aýdaryńyz – balalar!» is-sharalary aıasynda buǵan deıin berilgen nusqamalardyń oryndalýyn teksersin. Іs-sharalar josparynyń ózin qyrkúıek aıynyń sońyna deıin uzartý kerek. Jol boıynda balalar jaraqatynyń aldyn alýǵa basa nazar aýdaryńyzdar. Qostanaı jáne Soltústik Qazaqstan oblystarynyń ákimdikteri men basqa da óńirler barlyq mektepterdiń beınebaqylaý kameralaryn Іshki ister mınıstrliginiń Jedel basqarý ortalyqtaryna jyl sońyna deıin qosylýyn qamtamasyz etsin. Ázirge 7 óńirdiń ǵana barlyq mektebi atalǵan júıege qosylǵan, - dedi O.Bektenov.
Onyń aıtýynsha, mektepterge bekitilgen polıtsııa qyzmetkerleriniń mindeti tek quqyqtyq jáne túsindirý sabaqtaryn ótkizýmen shektelmeýge tıis. Balalar men jastardyń arasynda quqyq buzýshylyqtardyń aldyn alýǵa baǵyttalǵan profılaktıkalyq is-sharalardyń aıasyn keńeıtip, jandandyra túsý qajet.
Buǵan deıin habarlanǵandaı, eki oblysta mektepterdiń qaýipsizdik júıesinde kemshilikter anyqtaldy.
