Mekteptegi fakýltatıvterge qatysý mindetti me
ASTANA. KAZINFORM — Qazaqstan mektepterinde fakýltatıv pánderi boıynsha sabaqtarǵa qatysý mindetti. Bul týraly Oqý-aǵartý mınıstri Juldyz Súleımenova málim etti.
Mınıstrdiń aıtýynsha, gımnazııalar men lıtseılerge bólingen nusqalyq oqý saǵattarynyń aıasynda fakýltatıv qarastyrylǵan. Jalpy bilim beretin mektepterde úlgilik oqý josparyna sáıkes, mundaı sabaqtarǵa bir jarym saǵatqa deıin ýaqyt bólingen.
— Demek, fakýltatıvter qazir mindetti pánderge aınaldy. Sabaqqa qatysý – mindetti, – dep túsindirdi Juldyz Súleımenova Quryltaıda ótken baspasóz máslıhatynda.
Onyń sózine qaraǵanda, buryn bul pánder boıynsha baǵa qoıylmaǵan jáne aralyq baǵalaý júrgizilmegen. Alaıda, osy oqý jylynan bastap tásil ózgerdi: endi oqýshylardyń osy pánder boıynsha bilimi baǵalanatyn bolady
Buǵan deıin 5–7-synyptarǵa «Konstıtýtsııa negizderi», 8–11-synyptarǵa «Zań jáne tártip», 5–11-synyptarǵa «Jeke qaýipsizdik» mindetti oqý kýrstary engizilgenin jazǵan edik.