Mekteptegi aralyq baǵalaý ne úshin kerek
ASTANA.KAZINFORM – Eger formatıvti baǵalaý oqýshynyń kúndelikti oqý barysyndaǵy nátıjesin kórsetse, aralyq baǵalaý belgili bir bólim nemese bólimder aıaqtalǵannan keıin sol kezeńde meńgerilgen bilim men daǵdylardy qorytyndylaýǵa baǵyttalady.
Bul týraly QR Oqý-aǵartý birinshi vıtse-mınıstri Shynar Aqparova Ortalyq kommýnıkatsııalar qyzmetiniń alańynda málimdedi.
Onyń aıtýynsha, formatıvtik baǵalaý oqýshynyń kúndelikti oqý barysyndaǵy nátıjesin kórsetse, aralyq baǵalaý belgili bir bólim nemese bólimder aıaqtalǵannan keıin sol kezeńde meńgerilgen bilim men daǵdylardy qorytyndylaýǵa baǵyttalady.
– Aralyq baǵalaýdyń engizilýimen baǵalaý jumystarynyń qurylymy da ózgeredi. Buǵan deıin bólim aıaqtalǵan soń BJB ótkizilip, toqsan sońynda sol toqsanda ótken bólimderdiń mazmunyn qamtıtyn TJB oryndalatyn. ıAǵnı bólim boıynsha baǵalanatyn oqý materıaly toqsandyq jıyntyq baǵalaý barysynda qaıta qamtylatyn jaǵdaılar boldy, – dedi Shynar Aqparova.
Jańartylǵan tártip boıynsha toqsan sońynda bólek toqsandyq jıyntyq baǵalaý (TJB) ótkizilmeıdi. Oqý bólimderin meńgerý nátıjesi aralyq baǵalaý arqyly anyqtalady. Osylaısha toqsan sońynda buryn baǵalanǵan bólimderdi qaıta qamtıtyn jeke jıyntyq jumys júrgizilmeıdi.
– Buǵan deıin matematıka páninen bir toqsanda 3 BJB jáne 1 TJB ótkizilse, oqýshy barlyǵy 4 baǵalaý jumysyn oryndaıtyn. Jańa tártipte tıisti bólimder aıaqtalǵan saıyn ár bólimnen keıin aralyq baǵalaý júrgiziledi, al toqsan sońyndaǵy jeke TJB alyp tastalady, – dedi ol.
Nátıjesinde toqsan ishindegi baǵalaý jumystarynyń sany bir jumysqa qysqarady. Mınıstrlik bul ózgeris oqýshynyń baǵalaý júktemesin ońtaılandyrýǵa, sondaı-aq pedagogtiń TJB tapsyrmalaryn bólek ázirleýge, ótkizýge jáne tekserýge jumsaıtyn ýaqytyn qysqartýǵa múmkindik beredi dep otyr.
Sonymen qatar aralyq baǵalaýdyń ótkizilý formaty men mazmuny da ózgeredi.
– Buǵan deıin dıktant, baqylaý jumysy, shyǵarma, mazmundama sııaqty jazba jumystary formatıvtik baǵalaý aıasynda ótkizilip, olardy oryndaýǵa sabaqtyń shamamen 20–25 mınýty bólinetin. Endi mundaı jumystar aralyq baǵalaýdyń negizgi nysandarynyń biri retinde ótkizilip, olardy oryndaýǵa tolyq sabaq ýaqyty – 45 mınýt beriledi, – dep túıindedi ol.
Aıta keteıik, elimizde bıyl bastaýysh synyptarda baǵalaýdyń jańa tásilderi engiziledi.
