Mektepte jylý qazandyǵy jarylyp, ot jaǵatyn jumysshy zardap shekti
KÓKShETAÝ. QazAqparat - Sandyqtaý aýdanyndaǵy mektepterdiń birinde jylý qazandyǵy jarylyp, ot jaǵýshy japa shekti, dep habarlaıdy QazAqparat tilshisi.
Aqmola oblystyq TJD baspasóz qyzmetiniń málimetinshe, Sandyqtaý aýdanynda mekteptiń janynda ornalasqan jylý qazandyǵy jarylǵan. Jarlys kezinde jumys ornynda bolǵan ot jaǵatyn jumysshy zardap shegip, aýrhana jatqyzyldy.
«Tótenshe jaǵdaıdan mekteptegi oqý protsesine kedergi kelgen joq. Qosymsha qazandyq bar. Sonymen qatar, oqýshylar da zardap shekken joq», dep túsindirdi vedomstvonyń baspasóz qyzmetinen.
Qazirgi kezde oqıǵanyń sebep-saldary tekserilip jatyr.
Aıta keteıik, 2017 jyldyń jeltoqsan aıynda Tselınograd aýdany Talapker aýylyna qarasty 96 Razezdegi balabaqshanyń jylý qazandyǵy jarylǵan edi.
