Mektepte teńiz shoshqasyna jasalǵan tájirıbe: Polıtsııa is qozǵap, muǵalim jumystan shyǵyp ketti

ALMATY. QazAqparat- Almaty qalasynda ornalasqan jekemenshik mektepterdiń birinde bıologııa pániniń muǵalimi oqýshylarmen birge teńiz shoshqasyn soıyp tastady. Osyǵan baılanysty polıtsııa is qozǵady, dep habarlaıdy QazAqparat tilshisi.

«Almaty qalalyq Polıtsııa departamenti atalǵan derek boıynsha, QR Qylmysytyq kodeksiniń 316- baby boıynsha Áýezov aýdandyq polıtsııa basqarmasynda qarasty polıtsııa bóliminde tirkelgenin málimdeıdi»,- delingen habarlamada.

Buǵan deıin áleýmettik jelide Almaty mektepteriniń birinde mektep muǵalimi teńiz shoshqasyn óltirgen soń, ary qaraı oqýshylar janýardyń denesin kesip, bólshektep jatqany týraly vıdeo shyqqany týraly jazǵan edik.

Oqıǵany anyqtaý barysynda atalmysh jaǵdaı 17 aqpanda Almaty qalasynyń jekemenshik mektebiniń 10-synybynda bıologııa pániniń qosymsha tájirıbelik sabaǵynda bolǵan.

Almaty qalalyq bilim basqarmasy bıologııa pániniń muǵalimi óz erkimen jumystan shyqqanyn atap ótti.