Mektepte oramal taǵýǵa tyıym salyndy – sot sheshimi

ASTANA. KAZINFORM – Astana qalasynyń kámeletke tolmaǵandardyń isteri jónindegi soty mektepte oramal taǵýǵa qatysty ishki tártip erejeleri isin qarady.

Talap qoıýshy mınıstrdiń 2016 jylǵy 14 qańtardaǵy №26 orta bilim berý uıymdary úshin mindetti mektep formasyna qoıylatyn talaptardy bekitý týraly buıryǵynda baskıim kııýge tyıym salynbaǵan degen ýájben sotqa júgindi. Ol shash pen moıyndy jabatyn oramaldy dinı sıpattaǵy kıimge jatqyzýmen kelispeıdi. 

Sot taraptardyń dálelderin zerttep qarastyrdy. 

«Bilim týraly» Zań men mekteptiń Jarǵysy mektep formasy barlyq oqýshylar úshin dinı nemese basqa da erekshe belgilersiz birtutas bolýy kerek dep uıǵarady. Bul oqýshylar arasyndaǵy teńdikti, beıtaraptyqty jáne úılesimdilikti qamtamasyz etýge baǵyttalǵan. Ártúrli konfessııalardyń elementterin mektep formasyna engizýge jol berilmeıdi», - degen qorytyndyǵa keldi. 

Sottyń qorytyndysyna sáıkes, biryńǵaı forma uıymdasqan jáne tártipti oqý ortasyn qurýǵa yqpal etetin mańyzdy element. 

«Ata-ana balalardyń orta bilim berý uıymynda belgilengen mektep formasyn kııýin qamtamasyz etedi. Sot bilim berý mekemeleriniń belgilengen talaptaryn saqtaýdyń mańyzdylyǵyna nazar aýdardy. Sot qaǵıdalardyń 16-tarmaǵynyń 2) tarmaqshasyn zańsyz dep taný týraly talapty qanaǵattandyrýdan bas tartty», - delingen sottyń sheshiminde. 

Sheshim zańdy kúshine engen joq. 

Eske sala ketsek, oqýshylardyń mektepke oramal taǵyp barý, hıdjab kııý máselesi buǵan deıin de kóterilip keledi. Osy oraıda Oqý-aǵartý mınıstrligi resmı málimdeme jasady. 

Aıta keteıik, jyl basynda Premer-Mınıstrdiń orynbasary Tamara Dúısenova jumysta hıdjab kııý máselesine baılanysty pikir aıtty.