Mektepte oqýshylarǵa jasalǵan shabýyl jan-jaqty tekseriledi – SQO ákimi
SQO ákimi Aıdarbek Saparov «deýmettik jelidegi paraqshasynda: «Petropavldaǵy № 4 orta mektepte bolǵan oqys oqıǵaǵa qatysty arnaıy komıssııa jumysyn bastady. Jan-jaqty tekserý júrgizilýde, onyń qorytyndysy boıynsha tıisti sharalar qabyldanatyn bolady», - dep jazdy.
Buǵan deıin QR Oqý-aǵartý mınıstrligi Petropavl qalasyndaǵy mektepte bolǵan oqıǵaǵa qatysty komıssııa qurylǵanyn málim etti.
Baspasóz qyzmetiniń habarlaýynsha, komıssııa quramynda balalardyń quqyǵyn qorǵaý komıteti, bilim salasynda sapany qamtamasyz etý departamenti, Soltústik Qazaqstan oblysy bilim basqarmasynyń ókilderi bar.
Búgin Petropavlda 9-synyp oqýshysy mektepke pyshaq-baltany sómkesine jasyryp ákelip, birneshe balany jaraqattaǵan edi.
Úsh balany jaraqattaǵan oqýshy psıhıatrııalyq esepte turǵan. Polıtsııa qyzmetkerleri kúdiktini oqıǵa ornynda ustady.
Zardap shekken eki oqýshyǵa ota jasaldy, qazir olar jansaqtaý bóliminde jatyr.
Úshinshi balaǵa qabyldaý bólmesinde kómek kórsetilip, úıine jiberildi. Qazir balalardyń jaǵdaıy qalypty.
