Mektepte oqýshynyń telefon qoldaný tártibin kim aıqyndaıdy
ASTANA. KAZINFORM — Mektepte oqýshynyń telefon qoldaný tártibin ár bilim ordasy derbes aıqyndaıdy. Bul týraly Úkimet otyrysynan keıingi baspasóz máslıhatynda Oqý-aǵartý birinshi vıtse-mınıstri Shynar Aqparova málim etti.
Onyń aıtýynsha, Oqý-aǵartý mınıstrligi bilim berý uıymdarynda uıaly telefondy qoldanýdyń biryńǵaı talabyn ázirledi. Al bul talapty naqty iske asyrýdy ár mektep derbes aıqyndaıtyn bolady.
— Sabaq ústinde bala uıaly telefondy qoldanbaıdy. Al ony pedagogqa berý nemese synyp ishine qoıý syndy máselege qatysty uıymdastyrý jaıttaryn mekteptegi jaǵdaıǵa baılanysty bilim berý uıymy ózi anyqtaıdy, — dedi ol.
Vıtse-mınıstrdiń aıtýynsha, bir mektepte uıaly telefon synypta saqtalsa, endi birinde ol úshin arnaıy jáshikter qarastyrylýy múmkin. Osylaısha, uıaly telefondy qoldaný tártibi ár mekteptiń ishki erejesinde bekitiledi.
Buǵan deıin mektepte uıaly telefonǵa tyıym salý oqýshylarǵa qalaı áser etetinine qatysty zertteý nátıjesin jarııa etken edik.
