Mektepte oq jaýdyrǵan jasóspirimniń qolynan qaza tapqandar sany úsheýge jetti
ASTANA. QazAqparat - Amerıkanyń Vashıngton shtatynyń Merısvıll qalasynda mektepte bolǵan atys saldarynan taǵy bir jasóspirim mert boldy, dep habarlady Assoshıeıted Press agenttigi.
Úsh jasóspirim qaza boldy. Aýrýhanada taǵy úsh oqýshy jatyr, dárigerler olardyń ekeýiniń jaǵdaılary qıyn, taǵy bireýiniki aýyr dep otyr.
Bul oqıǵa 24 qazan kúni tańerteń oryn alǵan. Tapanshamen qarýlanǵan 14 jastaǵy Djeılın Fraıberg mektep ashanasyna kirip, oq jaýdyrǵan. Saldarynan bir adam oqıǵa ornynda jan tapsyrdy, jeti adam túrli deńgeıdegi jaraqattar aldy. Qylmysker sońynan ózin de atyp tastaǵan.
