«Mektepte bomba»: Kókshetaýda 1279 oqýshy men 79 muǵalim evakýatsııalandy

Kókshetaýda №2 orta mektep-lıtseıine jarylǵysh zat qoıylǵany týraly habarlandy. Kazinform bul týraly Aqmola oblystyq Polıtsııa departamentiniń baspasóz qyzmetine silteme jasap jazady.

Vedomstvo málimetinshe, jarlyǵysh zat týraly habar búgin, 17 qazanda Kókshetaý qalalyq polıtsııa basqarmasyna túsken.

«Aıtylǵan mekenjaı boıynsha shuǵyl qyzmetter, arnaýly jáne quqyq qorǵaý organdarynyń mamandary baǵyttaldy. Bilim berý mekemesinen 1279 oqýshy men 79 muǵalim men ákimshilik qyzmetshiler evakýatsııalandy. Jarylǵysh tehnıkter men kınolog mamandar júrgizgen tekseris kezinde jarylǵysh zat týraly aqparat rastalmady. Osy derek boıynsha sotqa deıingi is qozǵalyp, jedel-izdestirý jáne tergeý is-sharalary júrgizilip jatyr», – dedi vedomstvodan.