Mektepte bolǵan qyspaqta 100 bala zardap shekti
ASTANA. 29 qarasha. QazAqparat - Qytaıdaǵy bastaýysh mektepterdiń birinde bir top oqýshylar qyspaqta qalǵan. Tótenshe jaǵdaı saldarynan 100-ge tarta bala jaraqat aldy.
Bul týraly jergilikti BAQ aqparattaryna silteme jasaǵan Ýtro. rý agenttigi habarlaıdy.
Jýrnalısterdiń málimeti boıynsha, oqıǵa Uıǵyr avtonomdy aýmaǵyndaǵy Aqsý qalasynyń №5 mektebinde bolǵan. Tús ýaqytynda sabaqtan keıin oqýshylar sport alańyna qaraı lap qoıǵan. Birneshe bala satydan qulap, onyń ústine basqa oqýshylar da qulaı bastaǵan.
Zardap shekken oqýshylardyń barlyǵy aýrýhanaǵa jetkizilgen. Aldyn ala derekter boıynsha, qaza tapqandar joq. Bul mektepte barlyǵy myńnan astam bala oqıdy.
