Mektepte bolǵan atys 17 adamnyń ómirin qıyp ketti
ASTANA. QazAqparat - Florıda shtatynda (AQSh) Parklend qalasyndaǵy Marjory Stoneman Douglas mektebinde bolǵan atys saldarynan 17 adam qaza tapty.
Bul týraly okrýg sherıfi Broýder Skott Israel málim etti, dep habarlaıdy TASS.
«12 adam - mektepte, ekeýi - mektep ǵımaratynda, bireýi - kóshede jáne ekeýi aýrýhanada kóz jumǵan»,- dep naqtylady ol. «Mert bolǵandardyń arasynda oqýshylar da, úlkender de bar»,-dep qosty sherıf.
Oq jaýdyrǵan qaskóı «tártip buzǵany úshin mektepten shyǵarylǵan». Budan buryn onyń 18 jasta ekendigi aıtylǵan bolatyn. WSVN telekompanııasynyń federaldyq quqyq qorǵaý organyndaǵy derekkózge silteme jasap habarlaýynsha, oq atqannyń esimi Nıkolas Krýz.
