Mektepte Ashyq-pen oqýshylar emes pedagogtar men tehnıkalyq personal kiredi

NUR-SULTAN. QazAqparat – Ashyq qosymshasy mektepterde oqýshylarǵa qatysty paıdalanylmaıdy. Bul týraly QR DSM Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova málim etti, dep habarlaıdy QazAqparat tilshisi.

«Ashyq qosymshasy mektepterde qoldaný tártibine toqtalsam, bul qosymsha oqýshylar úshin mindetti bolmaıdy. Bul rette mektep personaly qamtylady, ıaǵnı mektepke indet juqtyrǵan pedagogtar, tehnıkalyq personal kirgizilmeıdi. Atap aıtqanda, qosymshaǵa qatysty tártip balalarǵa taralmaıdy», - dedi Aıjan Esmaǵambetova Ortalyq kommýnıkatsııalar qyzmetinde.

Onyń aıtýynsha, eger balanyń ata-anasy mektepke kirýge májbúr bolsa, onda Ashyq qosymshasy arqyly ótedi.

«Basqa jaǵdaılarda ata-analar mektepke kirgizilmeıdi. Bul óz kezeginde sanıtarlyq erejedegi talaptardyń biri. Mektepke tek oqýshylar kiredi», - dedi komıtet basshysy.

Budan buryn habarlanǵandaı, bir bala indet juqtyrsa, onda synyptaǵy oqýshylardyń barlyǵy 14 kúnge karantınge ketedi.