Mektepte «5» degen baǵa bolmaıdy - vıtse-mınıstr M.Sarybekov
ASTANA. 20 tamyz. QazAqparat - Balanyń bilimin «bestikpen» emes, upaımen baǵalaý júıesine kóshetin bolamyz.
Búgin Astanada bastalǵan Qazaqstan pedagogtarynyń tamyz konferentsııasy aıasynda jýrnalısterge suhbat bergen QR Bilim jáne ǵylym vıtse-mınıstri Mahmetqalı Sarybekov osylaı aıtty.
«Iá, balanyń bilimin «bestik» júıemen baǵalaý dástúri bizde burynnan beri qalyptasqan. Al sheteldik mektepterde búginde múldem basqa júıe qoldanylady. Búginde ony Nazarbaev zııatkerlik mektepteri de qolǵa alyp, balanyń bilimin 10-12 upaılyq júıemen baǵalaý tájirıbesin zerdelep jatyr. Ol, ázirshe, qanatqaqty joba retinde iske asýda. Menińshe, biz 12 jyldyq bilim berýge kóshý barysynda birte-birte osy júıege kóshetin bolamyz», - deıdi vıtse-mınıstr.
