Mektepke jol: ShQO-da áleýmettik osal toptaǵy otbasylardyń 247 balasy mektep formasymen qamtyldy
Óńir aýmaǵynda «Mektepke jol» aktsııasy júrgizilip jatyr. Tamyz aıynyń basynan beri osy ýaqytqa deıin áleýmettik osal toptaǵy otbasylardyń 247 balasyna 9 mln teńgege mektep formasy satyp alyndy. 15 mln teńgege 1208 balaǵa sómke men keńse taýarlary alynǵan.
«Aktsııa aıasynda tek kásipkerler emes, qarapaıym halyq ta aqsha jınastyryp, qaıyrymdylyq jasap jatyr. Keıbireýler óz aty-jónin aıtpaı, jasyryn túrde kómek kórsetýde. Jalpy «Mektepke jol» aktsııasy 31 qyrkúıekke deıin jalǵasady. Budan bólek, «Jalpyǵa birdeı bilim berý» qorynan da aqsha bólinýde. QR Úkimeti qaýlysynyń ózgeristerine sáıkes byltyrdan bastap qordan áleýmettik osal otbasylardan shyqqan balalarǵa mektep formasy, aıaq kıim, oqý quraldary men kerek-jaraqtaryn satyp alý úshin ata-analarynyń shottaryna 40 567 teńgeden aýdarylady. Bul soma bıyl oblystaǵy 14 540 ata-ananyń shotyna jiberilgen», - deıdi ShQO Bilim basqarmasynyń basshysy Innesa Chernysheva.
Shyǵys Qazaqstanda túrli áleýmettik sharalarmen mektepke baratyn 22 myń bala qamtyldy. Turmysy tómen otbasynan shyqqan 14 myńnan astam oqýshyǵa mektepke kerek-jaraqtaryn satyp alýǵa jergilikti bıýdjetten 895 mln teńge bólingen.
