«Mektepke jol» respýblıkalyq aktsııasy balalarǵa kómektesýdi jalǵastyrýda
ASTANA. QazAqparat - Qazaqstan Respýblıkasy Prezıdentiniń oqýshylardyń mektepke barýyn tolyq qamtamasyz etý jónindegi tapsyrmasyn oryndaý maqsatynda Astana qalasynda 2015 jylǵy 1 tamyz - 30 qyrkúıek aralyǵynda «Mektepke jol» jalpy respýblıkalyq qaıyrymdylyq aktsııasy bıyl segizinshi ret «Balalarǵa birge kómek bereıik!» uranymen ótkizilip jatyr, dep habarlady astana.gov.kz.
Atalmysh shara aıasynda Astana qalasynyń Bilim basqarmasy «Turan» ýnıversıtetimen birlese otyryp, M. Ótemisov atyndaǵy Oqýshylar saraıynda № 40, 53 jáne 14 mekteptiń turmysy tómen jáne kópbalaly otbasylardan shyqqan balalarǵa materıaldyq kómek kórsetti. Demeýshiler balalarǵa mektepke qajetti oqý quraldary men sómkeler tabystady.
Aktsııanyń basty maqsaty jetim, turmysy tómen jáne kópbalaly otbasylardan shyqqan balalarǵa materıaldyq demeýlik kórsetý bolyp tabylady. Sondaı-aq balalardyń áleýmettik jaǵdaıyna baılanysty mektepke barmaýynyń aldyn alýda úlken kómek kórsetedi.
Aıta keteıik, 2015 jylǵy 1 tamyzdan bastap «Mektepke jol» aktsııasyn júzege asyrý maqsatynda 4 myńnan astam balaǵa qaıyrylymdyq kórsetildi.
