«Mektepke jol»: Qulsaryda 770 oqýshyǵa mektep quraldary berildi

ATYRAÝ. KAZINFORM – Atyraý oblysynyń Qulsary qalasynda 770 oqýshy mektep quraldarymen qamtyldy. 

Jylyoı aýdanynyń ákimdiginen málim etkendeı, «Mektepke jol» aktsııasy aıasynda oqýshylarǵa sabaqta paıdalanatyn quralmen qamtý qolǵa alynyp otyr. Munaı-gaz ónerkásibi salasyndaǵy iri kompanııalar Qulsary qalasyndaǵy mektepterdiń oqýshylaryna sabaqqa qajetti quraldardy alyp berýdi bastady. Jaqynda «Teńiz» ken ornynan Qara teńiz jaǵalaýyndaǵy aılaqqa deıin qubyrmen munaı tasymaldaıtyn kompanııa 370 oqýshyny mektep quraldarymen qamtamasyz etken. Bul oqýshylar bıyl mektep tabaldyryǵyn alǵash attaǵaly otyr.

Qaıyrymdylyq aktsııasyna «Teńiz» ken ornyn ıgerip jatqan sheteldik ınvestorlarmen birlesken kásiporynnyń eriktileri de qosyldy. Olar «Júrekten-júrekke» qaıyrymdylyq qory arqyly 400 oqýshyǵa mektep quraldary salynǵan sómke alyp bergen.

«Mektep oqýshylaryn kúndelikti sabaqta paıdalanatyn qural-jabdyqtarmen qamtamasyz jalǵasyn tabady. Aldaǵy aptalarda bul ıgi iske jeke kásipkerler de atsalysqaly otyr. Qaıyrymdylyq aktsııasy qyrkúıek aıynyń sońyna deıin jalǵasady», - dep málim etti aýdandyq ákimdiktiń baspasóz qyzmeti.

Eske sala ketelik, budan buryn Qulsary dárigerleri alǵash ret pyshaqsyz ota jasaǵanyn habarlaǵan bolatynbyz.