Mektepke jol: QHA 10 myń oqýshyǵa 200 mln teńgeniń kómegin kórsetti
Bul týraly Qazaqstan halqy Assambleıasynyń resmı saıty habarlandy.
Qazaqstan Halqy Assambleıasynyń óńirlik fılıaldary arqyly jyl saıyn jan-jaqty qoldaý uıymdastyrylyp, áleýmettik jaǵdaı tómen otbasyndaǵy balalarǵa qol ushyn sozýdy ıgi dástúrge aınaldyryp keledi. Tamyljyǵan tamyzdan bastalyp, qyrkúıek aıynyń sońyna deıin jalǵasatyn bıylǵy naýqanǵa da bir kisideı jumyla kirisip, eldik pen keńdiktiń úlgisin kórsetip otyr.
Jańa oqý jyly qarsańynda jaqsylyq jasap jarysqandar arasynda Almaty qalasy kósh bastap otyr. 23 tamyzda «Dostyq» úıinde uıymdastyrylǵan qaıyrymdylyq shara barysynda Qazaqstan halqy Assambleıasy tóraǵasynyń orynbasary Janseıit Túımebaev pen «Ahyska» túrik etnomádenı birlestiginiń tóraǵasy Zııatdın Kasanov 100 balaǵa keńse taýarlary men kıim-keshek syılap, 2,7 mln teńgege túski as uıymdastyryldy.
Bul ıgi isti birden «Qazaqstan uıǵyrlary respýblıkalyq etnomádenı ortalyǵy» ilip áketip, qaıyrymdylyqtyń jarqyn úlgisin tanytty. 78 mln. teńge túrli qajettilikterge jumsalyp, urpaq bolashaǵy úshin aıryqsha belsendilik tanytty.
Máselen, 1300 balaǵa oqý qural-jabdyǵy men mektep formasy alynyp, kásipker Mızangúl Avamısımova Almaty oblysyndaǵy J. Bosakov atyndaǵy mektepti parta, oryndyqpen tegis qamtamasyz etti. Jahanger Muratova oblys kólemindegi 107 jetkinshekti mektepke daıyndasa, Qazaqstan uıǵyrlary respýblıkalyq etnomádenı ortalyǵynyń Almaty qalasyndaǵy fılıaly «Nur Otan» partııasymen birlesip 600 oqýshyǵa qalam-qaǵaz, 200 balaǵa mektep formasyn syıǵa tartty.
«Mıtsva» evreı ulttyq uıymdarynyń qaýymdastyǵy 22 balaǵa 248 myńǵa, «Fılııa» Qazaqstandaǵy grek qoǵamdarynyń qaýymdastyǵy 10 balaǵa 60 000 teńgege, «Naırı» armıan mádenı ortalyqtarynyń qaýymdastyǵy 100 myń teńgege demeýshilik jasady. Almaty qalasyndaǵy etnomádenı birlestikter kórsetken qaıyrymdylyq kómektiń jalpy somasy 81 mln. teńgeni qurady.
Túrkistan oblysyndaǵy etnomádenı birlestikterdiń qosqan úlesi de qomaqty. Ońtústik óńirdegi etnos ókilderi 2 myńnan atsam balaǵa 30,5 mln teńgege mektepke daıarlyq jumystaryn uıymdastyrsa, Qostanaı oblysynda 3 myńǵa jýyq balaǵa jumsaǵan qarajat 28,5 mln teńgege jetti.
Qaraǵandy oblysy boıynsha etnomádenı birlestikter, Analar keńesi, Qaıyrymgerler men metsenattar klýbynyń ókilderi birigip 713 balaǵa 18,2 mln teńgege jomarttyq jasady. Sonyń ishinde qaıyrymgerler men tálimgerler klýbynyń ókili jáne «Jomart júrek» tósbelgisiniń ıegeri Sáýle Shaýenovanyń jetekshiligimen Jezqazǵandaǵy «Utaria LTD» kompanııasy erekshe belsendilik tanytqanyn aıta ketý qajet. 67 kópbalaly otbasyna 6 mln. teńgege demeýshilik jasap, ár balaǵa 25 000 teńgeden teńdeı bólip berdi. Sátbaev qalasynda tigin jáne toqyma sheberhanasynyń sharýasyn dóńgeletip otyrǵan kásipker, kópbalaly ana Alena Eberman bolsa 300 000 teńgeniń mektep formasyn 30 balaǵa tegin usyndy.
Jambyl oblysynyń da aıaq alysy jaman emes. 928 oqýshyǵa 8,1 mln teńge jumsap, izgiliktiń úzdik kórinisin baıqatty. Sonyń ishinde qalalyq, oblystyq ózbek etnomádenı birlestikteri, oblystyq «Nemister qoǵamy», «Barbang» kúrdter etnomádenı birlestigi, «Vynhýa» dúngender qoǵamdyq birlestigi, «Ahyska» etnomádenı birlestigi, «Polonez polıak tili men mádenıeti ortalyǵy» qoǵamdyq birlestigi men «Shıvat-tsıon» evreı etnomádenı birlestigi, Mahmýd Qashqarı atyndaǵy uıǵyr etnomádenı birlestigi, Qarashaı-balqarlar etnomádenı birlestigi qaıyrymdylyq sharasyna aıryqsha atsalysty.
Almaty oblysy 8,2 mln teńgege, Nur-Sultan qalasyndaǵy 20 etnomádenı birlestik 52 balaǵa 7 mln teńgege, Mańǵystaý oblysy 1,5 myń balaǵa 7, 5 mln teńgege, Shyǵys Qazaqstan oblysy 350 balaǵa 5, 5 mln teńgege, Shymkent qalasyndaǵy etnomádenı birlestikter 140 balaǵa 5 mln teńgege, Pavlodar oblysy 1000 oqýshyǵa 5 mln teńgege aýqymdy kómek uıymdastyrdy.
Batys Qazaqstan oblysyna keler bolsaq, 157 ul-qyzǵa 1,5 mln teńgeden astam kómek kórsetildi. Jumsalǵan qarajattyń negizgi bóligin – 1 mln teńgeden astamyn «Mırzoıan» armıan etnomádenı qoǵamdyq birlestiginiń tóraǵasy, qalalyq máslıhattyń depýtaty Avetık Amırhanıan óz qaltasynan shyǵardy. Ol áleýmettik az qamtylǵan januıalarda tárbıelenip jatqan 100-den astam balaǵa mektep formasy men oqý quraldaryn tabystady. Sondaı-aq, «Birlik» ázirbaıjan mádenı-aǵartýshylyq qoǵamynyń tóraǵasy Nadjav Mamedov kómekti asa qajet etetin 17 mektep oqýshysyna 280 myń teńgege sporttyq kıimder men aıaq kıimder, mektep quraldaryn syıǵa tartty. Osy aktsııa barysynda «ıÝnıserv» JShS basshysy, oblystyq máslıhat depýtaty, oblystyq Qoǵamdyq kelisim keńesiniń múshesi N. Satbaev 40-tan astam oqýshyǵa 300 myń teńgege mektep quraldaryn jetkizdi.
Ózge oblystaǵy etnos ókilderi de shama-sharqyna qaraı úles qosyp, qatardan qalmaýǵa tyrysty. Aqtóbe qalasynda QHA ǵımaratynda «Qoǵamdyq kelisim» KMM, Aqtóbe oblysy janyndaǵy Analar Keńesi, «Jańǵyrý joly» jastar qozǵalysynyń oblystyq shtaby, «Ázirbaıjan Qaýymdastyǵynyń» oblystyq fılıaly, «Shalom» evreıler etnomádenı birlestigi, «Oksana» ýkraınderdiń ulttyq-mádenı ortalyǵy, «Uıǵyrlar Qaýymdastyǵy» Aqtóbe oblysyndaǵy fılıaly 200 myń qarajat kóleminde 10 balaǵa mektepke qajetti quraldar men kıim-keshek tartý etti. Atyraý oblysy QHA etnomədenı birlestikteri «Tulpar» saýyqtyrý kesheninde demalǵan Arys qalasynan kelgen 47 balanyń qolyna sómkeler ustatyp, aıryqsha qýantty. Arnaıy kontserttik baǵdarlama uıymdastyryp, tətti syılyqtar úlestirildi. Jumsalǵan qarajattyń jalpy sommasy – 500 myń teńge.
Sonymen qatar, Soltústik Qazaqstan oblysy 18 balaǵa 680 myń, Qyzylorda oblystyq Qazaqstan halqy assambleıasynyń uıymdastyrýymen 80 balaǵa jalpy sommasy 800 000 teńge shamasynda tartý-taralǵy ulestirdi.
Qoryta aıtqanda, Qazaqstan halqy Assambleıasy búgingi tańda «Mektepke jol» aktsııasy aıasynda 10 myń oqýshyǵa 200 mln teńge kóleminde kómek kórsetip úlgerdi. Qaıyrymdylyq sharasy qyrkúıek aıynyń sońyna deıin jalǵaspaq.
