«Mektepke jol»: elordada 8,5 myńnan astam balaǵa kómek kórsetiledi

ASTANA. KAZINFORM —  Elordada 1 tamyzdan 30 qyrkúıekke deıin dástúrli respýblıkalyq «Mektepke jol» aktsııasy ótip jatyr. Bul týraly Astana qalasy ákimdiginiń baspasóz qyzmeti habarlady. 

Onyń aıasynda áleýmettik az qamtylǵan jáne kópbalaly otbasylardyń balalaryna, sondaı-aq jetim balalar men ata-anasynyń qamqorlyǵynsyz qalǵan balalarǵa demeýshilerdiń qarajaty esebinen qaıyrymdylyq kómegi kórsetiledi.

Bıyl aktsııa aıasynda qaladaǵy 8 500-den astam balany qamtý josparlanyp otyr. Kómek mektep sómkeleri men keńse taýarlary túrinde beriledi.

Aktsııanyń maqsaty — jańa oqý jyly qarsańynda otbasylarǵa qoldaý kórsetý jáne áleýmettik sebepterge baılanysty sabaqtan qalýdyń aldyn alý.

Ata-analarǵa, eger balalary kórsetilgen sanattarǵa jatatyn bolsa, rastaıtyn qujattarymen mektepke júginý qajet.

Áleýmettik pedagogtar muqtajdardyń tizimin birinshi synypqa qabyldanǵandar men jańadan kelgen oqýshylardy eskere otyryp jasaıdy.

Ýchaskelik polıtsııa ınspektorlarymen birlesip, bilim alýǵa qamtylmaǵan nemese túnde eresekterdiń qaraýynsyz úıden tys júrgen balalardy anyqtaý úshin reıdtik is-sharalar uıymdastyrylǵan.

Azamattardyń ótinishterine jedel áreket etý úshin «senim telefony» men «jedel jeli» (556920), sondaı-aq mektep janyndaǵy qoǵamdyq qabyldaýlar jumys isteıdi. 

Aıta ketelik mektep ashanalaryna engizilgen talap boıynsha jańa mázir qandaı bolatyny týraly jazǵan edik.